Huli

Nahuli iyong sinasakyan kong Taxi kahapon ng madaling araw. Lumiko kasi ito sa No U-turn area dun sa intersection sa may Buendia at Ayala. Nakakataka lang na kahit madaling araw talagang may traffic enforcer. Well, wala namang masama dun mas mainam nga para maensure ang kaayusan ng traffic.

Kaya lang, ang masama nun ay kung nandun sila para lang manghuli at mangotong. Sabi kasi ng driver, "swapang" ng enforcer. So ang assumption ko, naglagay lang ito. Wala rin naman akong nakitang bitbit na ticket ang driver pagbalik sa sasakyan. At oo sa labas sila nagtransaksyon at malayo sa sasakyan. Pero bago iyon, nakuhaan ko ang kanilang initial transaction.